गुरुजी नअ ध्यालअ रअ

webadmin — Mon, 04 Nov 2019 10:38:02 +0000

गुरुजी नअ ध्यालअ रअ webadmin Mon, 11/04/2019 - 16:08

गुरुजी नअ ध्यालअ रअ, थारा जनम-जनम का दुखड़ा मिटालअ रअ।
जनम-मरण का काट मोरछा, परित पुरबली पालअ रअ॥(टेर)

सतगुरु दाता बेद बण आया, करमारी नबज दखालअ रअ।
देख नबज समजकर दाता, करम नाड़ को चालअ रअ॥
गुरुजी नअ ध्यालअ रअ, थारा जनम-जनम का......॥(1)

करम काटबा की राई बतावअ, गुरुगम वोगत पालअ रअ।
सबद जड़ी पर ग्यान मसालो, चेतन होर चडालअ रअ॥
गुरुजी नअ ध्यालअ रअ, थारा जनम-जनम का......॥(2)

जत, मत, सत सूं होजा घाडो, देख जगत मत हालअ रअ।
चित मन बुद्धि अन्त सुद्धि करके, तिरगुण पाप मिटालअ रअ॥
गुरुजी नअ ध्यालअ रअ, थारा जनम-जनम का......॥(3)

होजा अणरोगी रोग नईं ब्यापअ, अजर अमर घर पालअ रअ।
राम बक्स परितम की नगरी, गुरुगम ग्यान‍ चलावअ रअ॥
गुरुजी नअ ध्यालअ रअ, थारा जनम-जनम का......॥(4)

Literature Type

भजन

घणो चोखो आपणो ढूंढाड़

webadmin — Mon, 24 Aug 2020 05:15:25 +0000

घणो चोखो आपणो ढूंढाड़ webadmin Mon, 08/24/2020 - 10:45

घणो चोखो आपणो ढूंढाड़॥(टेर)

सगळा रवअ मल’र, बांटअ घणो प्यार।
काम करअ अपणो-अपणो, न करअ कोई पअ अत्याचार।
देख-देख हरसअ मन, अण्डअ का चोड़ा दरबार।
न मानअ तो देखल्यो, आपणा जेपर मंअ जार॥
घणो चोखो आपणो ढूंढाड़……॥(1)

लागअ चोखा मअल माळक्या, हवामअल झरोकादार।
न्यारी छ छटा किला की, मन करअ देखां बार-बार।
मन्तरी, सन्तरी बअठ्या छ, अण्डअ सजा अपणो दरबार।
जन्तर-मन्तर लागअ सुवावणो, चोड़ा-चोड़ा दुवार॥

घणो चोखो आपणो ढूंढाड़……॥(2)
म्हारो मन खुसी सूं भरजावअ, जद्‍यां करअ कोई ईंकी बात।
सारा आदमी खुसी सूं झुमंअ, जियां लागर्यो फसलां मंअ पाणी खात।
सारा जग मंअ यो घणो चोखो साफ, जियां काच की जात।
लागअ सुवावणी म्हारी बोली भासा, ईंकाई आवअ सपना सारी रात॥
घणो चोखो आपणो ढूंढाड़……॥(3)

कवि
पूरण “प्रभात ”
ग्राम-श्री विजयपुरा, पोस्ट- चनानी
तहसील-निवाई, जिला-टोंक
राजस्थान-304021

Literature Type

कबिता

धन्यधरा ढूँढाड़| आपणो ढूँढाड़ - धन्यधरा ढूँढाड़

गुरुजी नअ ध्यालअ रअ

घणो चोखो आपणो ढूंढाड़