बेटी रै वाळा सुण बापजी रै।
थारी बेटी नै दे परणाई, सम्मेलण माँईनै रै॥(टेर)
पाणी कोनै रै धरती माँईनै रै।
बीरा म्हारा पड़तो आग्यो काळ, भूल मत राँखजे रै॥
बेटी रै वाळा सुण बापजी रै……॥(1)


घराँ होवैलो खरचो लाख को रै।
थारा कम लागैला दाम, सम्मेलण माँईनै रै॥
बेटी रै वाळा सुण बापजी रै……॥(2)


अच्छो देवैला डग डाईजो रै।
बीरा म्हारा बेड की बी लार, सम्मेलण माँईनै रै।
बेटी रै वाळा सुण बापजी रै……॥(3)


दोनी टेम खाणो जीम जे रै।
बीरा नूता सूँ बुलाजे परिवार, सम्मेलण माँईनै रै।
बेटी रै वाळा सुण बापजी रै……॥(4)


रामनोमी का तथबार छै रै।
कोई म्हादेवाँळी धाम, सम्मेलण माँईनै रै॥
बेटी रै वाळा सुण बापजी रै……॥(5)


छोटा बडा को खियो मान लै रै।
तन हेमराज समजाई, भूल मत राँखजे रै॥
बेटी रै वाळा सुण बापजी रै……॥(6)