बाबुल ब्याव सगाई रहबा दै।
छोटी-सी उमर मै मत परणावै।
म्हानै पडबा जाबा दै रै॥(टेर)

एक बरस मै करी सगाई, दूजा बरस मै फेरा।
आठ बरस मै गोणो कर दियो, कियाँ बारनै डेरा॥
छोटी-सी उमर मै मत परणावै……॥(1)

अणपड म्हारी बहण नानगी छोरा-छोरी आठ।
पाळ-पोसबो वा जाणै कोनै, बेमार्यां भरमार।
बेमारी टाबर की मटाबा दै रै॥
छोटी-सी उमर मै मत परणावै……॥(2)

पड्याँ-लिख्याँ बना अकल न आवै।
असल गंवार कहावै रै।
दुख ई सारो म्हाने मिटाबा दै रै॥
छोटी-सी उमर मै मत परणावै……॥(3)

पडी-लिखी जोड़ी-सी लुगायाँ करै नोकरी।
अणपड बेटी काड घूँगटो घराँ अंदेरा माँई रै।
अब तो नियो उजाळो ल्याबा दै रै॥
छोटी-सी उमर मै मत परणावै……॥(4)