म्हारो मस-मस दुखै पेट लटूर्या दाई नै बलाल्या रै(टेर)

बाजा बाजै ये डूँगर मै छोरी तोनै लेबाळो आयो।
म्हारो उठै रै कळेजो, म्ह मरी ये दरद की मारी, दुवाई बेगो दे दे रै।
म्हारो मस-मस दुखै पेट लटूर्या दाई नै……॥(1)

मत बावै म्हारा परण्या जीरो।
यो जीरो जीवरो बैरी रै, मत बावै म्हारा परण्या जीरो॥(टेर)

पाणत करती रा पगल्या रैग्या..., ओ म्हारा कड़ुल्या घसग्या चाँदी रा॥
मत बावै म्हारा परण्या जीरो, यो जीरो जीवरो……॥(1)

काळ्यो कूद पड़्यो रै मेळा मै साइकल पंचर करल्यायो॥(टेर)

दो दन डटजा रै डोकरिया, छोरी म्हारी बाजरियो काटै॥
काळ्यो कूद पड़्यो रै मेळा मै……॥(1)

बाजा बाजरिया डूँगर मै, छोरी तन लेबाळो आयो॥
काळ्यो कूद पड़्यो रै मेळा मै……॥(2)

या छै छोरी जेपर की, ईंकी कणियाँ कियाँ हैरी छै॥(टेर)

ज्याँ मरदाँ का करम फूटग्या, ज्याँकी बीबी मोटी छै।
दरवाजा पै अटक जावै तो टल्लम-टल्ला हैरी छै॥
या छै छोरी जेपर की, ईंकी कणियाँ……॥(1)