वेबसाइट कै तोड़ी सामगरी का बारा मै आपणा सपना:-

•    आपां ढूँढाड़ी बोलबाळा, आपणी मायड़ भासा का गुण जाणा छां अर आपां आपणी संस्करति कै साथ बण्यां रैवां छां।
•    ढूंढाड़ का लोग बडा गर्व सूं आपणी मायड़ भासा नै खूब बडिया काम मै लेवै छै।
•    आपां आपणी मायड़ भासा की अलग पचाण अर बोलचाल कै साथ चिट्‍ठी-पतरी का रूप मै पचाण करबा की दसा मै पूरी ईमानदारी सूं काम करां छां।
•    आपां आपणा बाळकां कै तोड़ी आपणी मायड़ भासा की सगळी परमपरा अर ऊंकी विरासत नै पूरा जोस कै साथ पूरो करां छां, जद आपां नै या मलै छै, तो आपां ईनै ओर भी जादा मजबूत बणावां छां।
आपणो मकसद, ईं वेबसाइट को उदेस्य छै:-
•    जण्डै अर जद भी है सकै तो, जादा सूं जादा ढूँढाड़ी नै काम मै लेवो।
•    ढूँढाड़ी मै सगळो साइत्य, बणर अर पूरी आजादी सूं लोगां नै मल जावै।
•    समुदाय कै मांईनै या बारै ढूँढाड़ी नै बोलबाळा लोगां कै तोड़ी मंजूरी देबो।
•    ढूँढाड़ी मै गीत, कबिता, ओड़ियो अर वीड़ियो रिकोड़िंग कै साथ जादा सूं जादा साइत्य त्यार करर बडावो देबा कै तोड़ी आपणा समुदाय नै जागरूक करो।
•    इलेक्टरोनिक मीडिया (कम्प्यूटर, फून या ओर कोई भी सादन) सूं ढूँढाड़ी नै काम मै लेबा कै तोड़ी जादा सूं जादा बडावो देवो।
कीमत:-
•    या वेबसाइट अपणा बडा इसतर पै नीचै लिखेड़ी बातां नै रांखबो चावै छै।
•    समुदाय की एकता:- पहली कीमत मै सूं एक छै, ज्ये ईं वेबसाइट नै काम मै लेबाळा नै ग्यान करणो चाईजे। लेख, देखबो, पहली सूं पक्‍को मत अर संचार जे अलग-अलग करै छै, ईं वेबसाइट पै मंनोरजन की सामगरी अपलोड मत करो। राजनीति अर धरम आळी कोई भी लेख या सामगरी कद्‍यां भी मत डालो।
•    या वेबसाइट सगळा काम मै लेबाळा कै तोड़ी न्याई, बना कोई स्वार्थ, समान अर बराबर रांखबा की कोसिस करै छै।
•    या वेबसाइट सांच कै तोड़ी हमेसां खड़ी रैबा की कोसिस करै छै। जतरी भी वेबसाइट पै डालेड़ी सामगरी छै, वाई बताबा कै तोड़ी छै, ज्यो हकिकत मै छै।