स्वास्थ्य अर परिवार कल्याण मंतरालय भारत सरकार
थांकी सायता कअ ताणी म्हांकी मदद करो
नोवल कोरोना वाइरस (कोविड-19)
खुद निकां रअवो, दूसरां नअ निकां रांखो
कांईं थानअ कोरोना कोविड-19 की जांच की जरूरत छ?
- अगर थांकअ खांसी, बुखार या फेर सांस लेबा मंअ परेसानी जस्या लक्सण कोनअ तो, थानअ कोरोना कोविड-19 की जांच करवाबा की जरूरत कोनअ।
- अगर थांकअ खांसी, बुखार या फेर सांस लेबा मंअ परेसानी छ अर थे इटली, ईरान, कोरिया गणराज्य, फ्रांस, स्पेन, जर्मनी या संयुक्त अरब अमीरात अर कस्या बी कोरोना कोविड-19 बेमारी आळा देस की यातरा कर्या छ या फेर परयोगसाला सूं परमाणित कोरोना कोविड-19 का कस्या बी मरीज का सम्परक मंअ आया छ तो, बेगा-सा राज्य सरकार का सायता नम्बर या फेर स्वास्थ्य अर परिवार कल्याण मंतरालय, भारत सरकार की 24x7 सायता नम्बर 011-23978046 पअ फून करो
- सायता सेवा थांसूं मलबाळी जाणकारी नअ लखअली अर कोरोना कोविड-19 की जांच रिपोट का स्याब सूं थांसूं सम्परक करलेली।
- जाणकारी का स्याब सूं अगर थांकी जांच की जरूरत छ तो, थांकी जांच सरकार सूं जण्डअ-जण्डअ परयोगसाला छ वांमअ कराई जावअली।
आपां सब साथ मंअ मल’र कोरोना वाइरस सूं लड़ सकां छां।
सरकार सूं जण्डअ-जण्डअ बणायेड़ी परयोगसाला की सूची ईंपअ https://www.icmr.nic.in/ मल जावअली।
अबार की टेम कोरोना कोविड-19 का इलाज कअ तोड़ी कोई बी खुद को डाखानो या परयोगसाला कोनअ।
जादा जाणकारी कअ तोड़ी
स्वास्थ्य अर परिवार कल्याण मंतरालय भारत सरकार का 24x7 सायता नम्बर +91-11-23978046 पअ फून करो या फेर ई-मेल करो ncov2019@gmail.com
- थाँकी राय द्यो
