मत बावै म्हारा परण्या जीरो।
यो जीरो जीवरो बैरी रै, मत बावै म्हारा परण्या जीरो॥(टेर)

पाणत करती रा पगल्या रैग्या..., ओ म्हारा कड़ुल्या घसग्या चाँदी रा॥
मत बावै म्हारा परण्या जीरो, यो जीरो जीवरो……॥(1)

सो रूपयाँ की जोड़ी आती, देवर…, ओ म्हारो देवर भाग्यो लाखिणो॥
मत बावै म्हारा परण्या जीरो, यो जीरो जीवरो……॥(2)

पीळो ओड पियरये चाली, पीळो…, ओ म्हारो जीरो पड़ग्यो पीळो रै॥
मत बावै म्हारा परण्या जीरो, यो जीरो जीवरो……॥(3)

काजळ घाल महल मै चाली, जीरो…, ओ म्हारो जीरो पड़ग्यो काळो रै॥
मत बावै म्हारा परण्या जीरो, यो जीरो जीवरो……॥(4)