छोर्यां फेसन मै जूलम करगी रै।
चूड़ो पहरै नहीं, घड़ी हाथ मै बाँदै रै॥(टेर)

कुड़ती कब्जो ओर घागरो खूँट्याँ दियो टाँक।
दोनी हाथाँ मै बाँदै घूगरा, एडी ऊँची कर-कर चालै रै॥
चूड़ो पहरै नहीं, घड़ी हाथ मै बांदै रै……॥(1)

आँख्याँ आगै चुचमा राँखै रै।
ऊँ छोरी का खुल्ला बाळ हवा मै भागे रै॥
चूड़ो पहरै नहीं, घड़ी हाथ मै बाँदै रै……॥(2)

सासू-सुसरा की सरम न आवै रै।
वा परण्याँ सूँ हाथ मलार चालै रै॥
चूड़ो पहरै नहीं, घड़ी हाथ मै बाँदै रै……॥(3)

घरकाँ सूँ तो करै लड़ाई।
ओराँ सूँ मुलाकात ऊनै परण्यो घणो समझावै रै॥
चूड़ो पहरै नहीं, घड़ी हाथ मै बाँदै रै……॥(4)