छोर्यां फेसन मै जूलम करगी रै।
चूड़ो पहरै नहीं, घड़ी हाथ मै बाँदै रै॥(टेर)

कुड़ती कब्जो ओर घागरो खूँट्याँ दियो टाँक।
दोनी हाथाँ मै बाँदै घूगरा, एडी ऊँची कर-कर चालै रै॥
चूड़ो पहरै नहीं, घड़ी हाथ मै बांदै रै……॥(1)

चरड़-मरड़ की जूती पहरै, चोमू सहर कचोळ्या की॥(टेर)

लाल गिटी का चूड़ा पहरै माहर ओर सामोत की।
नथली पहरै नाक चडावै, बै बाँसा का नेड़ा की॥
चरड़-मरड़ की जूती पहरै, चोमू……॥(1)

कुलखणा की राण्ड बजाई रण्डवो रहबो ठीक॥(टेर)

ज्यानै मलगी राण्ड करकसा फूट्या जिंका भाग।
पाड़ोस्याँ कै जाडो चडज्या, सुणकर ईंकी छींक॥
कुलखणा की राण्ड बजाई रण्डवो……॥(1)

असी काँई बीनणी आई रै।
घर मै हैग्यो घोर जीव नै चडी कड़ाई रै॥(टेर)

एडी ईंकी उजळी रै, कणियाँ नो मण मेल।
छह महना बिर्था डोल्या, या असल संखणी भाई रै॥
घर मै हैग्यो घोर जीव नै ……॥(1)