भाया चीलगाडी आगी रै।
चूलो बळतो छोड बीनणी देखण भागी रै॥(टेर)

आछ्यो ल्यायो बीनणी, बिर्था खरचर दाम।
या तो नागा मैली, नागी रै॥
चूलो बळतो छोड बीनणी देखण……॥(1)

छाव-छाव मै भूल्याई फूलाँ की साड़ी।
थोड़ी रोकलै बाबूड़ा थारी रैलगाडी॥(टेर)

पाँच कोस सूँ भागी आई, भर्यो पसीनो अंग।
चोली तो म्हारी टपक्याई, डील हियो बदरंग।
पीण्ड्याँ म्हारी आम गई छै, घणी गाडी॥
थोड़ी रोकलै बाबूड़ा थारी……॥(1)

ढोला ढोल मंजीरा बाजे रै।
काळी छींट को घागरो नजारा मारे रै॥(टेर)

साठ कळी को घागरो जी कळी-कळी मै फेर।
पहर बजाराँ नखळगी जी, रफ्या को हैग्यो ढेर॥
ढोला ढोल मजीरा बाजे रै, काळी……॥(1)

छोर्यां हेलो देती घुसगी रै, या करगी खूब कमाल।
करगी खूब कमाल रै, थे सुण ज्यो छोर्यां का हाल॥(टेर)

सरम नाँव की चीज नै तो, दी चूला मै बाळ।
अब की छोर्यां माथा का राँखै खुल्ला बाळ॥
छोर्यां हेलो देती घुसगी रै, या करगी……॥(1)